重音（Stress）

• 輸入

  • 有詞性、斷詞的漢語母語語句

• 輸出

  • 每個字的聲調

\subsection{變調佮重音預測} \label{小節：變調佮重音預測} 佇書寫的音標佮實際唸的發音定定是無仝款的， 上大的差別就是聲調（Tone）佮重音（Stress）。 漢語有聲調， 聲調到發音之間會變調（Tone Sandhi）。 南島語有重音， 標註語句的重音（Stress Prediction）嘛是一个音韻學的研究問題。

用閩南語做例， 準做想欲共閩南語的音標變做閩南語的聲音， 毋過實際的音標到唸的發音閣無仝， 後且閩南語的變調傷過複雜的， 需要專門的處理。

楊允言教授就有做過閩南語的變調系統\cite{iunn:台語變調系統實作研究}， 用斷詞、詞性佮句型的資訊， 配合20類音韻規則來變調， 得著88.90%的準確率。 音韻規則的優點是語料無蓋濟的時， 就會當得著八九成的正確率， 毋過若數量一濟， 規則的先後會較歹處理。

變調嘛會當用分類器來做， 共規則式用著的特徵當做參數下入去， 看佗一个分類模型會較好。 伊上大的好處就是管理方便， 拄著新語料，重訓練模型就好矣， 缺點是訓練資料需要誠濟。